هاوپەیمانیی نێودەوڵەتیی دژ بە داعش: بە 14 مووشەک هێرش کراوەتە سەر بنکەی سەربازیی عەین ئەسەد و 3 کەس بریندار بوون
ئەمڕۆ چوارشەممە 7ی تەمووزی 2021، وەین مارۆتۆ، گوتەبێژی هاوپەیمانیی نێودەوڵەتیی دژ بە داعش لە هەژماری فەرمیی خۆی لە تویتەر رایگەیاند:”بەپێی راپۆرتە سەرەتاییەکان نزیکەى کاتژمێر 12:30 پاشنیوەرۆ بە کاتى ناوخۆیی، بنکەی سەربازیی عەین ئەسەد بە 14 مووشەک کرایە ئامانج. مووشەکەکان کەوتنە ناو بنکەکە و دەوروبەرى. رێکارەکانى هێزى پاراستنی بەرگرى کارا کران. لەم کاتەدا راپۆرتە سەرەتاییەکان ئەوە دەردەخەن کە 3 بریندارى سووک هەیە. زیانەکان هەڵسەنگاندنیان بۆ دەکرێت.”