وتهبێژی حكومهتی فهرهنسا رایگهیاند كه شهپۆلی چوارهمی ڤایرۆسی كۆرۆنا وڵاتهكهی تهنیوه.
ئهمڕۆ چوارشهممه كهناڵی “BMF”ی فهرهنسی له زاری گابرییل ئاتال وتهبێژی حكومهتی فهرهنسا بڵاویكردهوه كه “بارودۆخی تهندروستی بهردهوام بهرهو خراپبوون دهچێت و شهپۆلی چوارهمی كۆرۆنا كاریگهری لهسهر تهواوی خاكی فهرهنسا دروست كردووه”.
له 26ی تهمموزی رابردوودا پهرلهمانی فهرهنسا پرۆژهیاسایهكی پهسهند كرد سهبارهت به بهكارهێنانی رێپێدانه تهندروستییهكان و پێدانی بهزۆری پێكوتهی كۆرۆنا بۆ ئهو كهسانهی له كهرتی چاودێری تهندروستی كاردهكهن.
لای خۆیهوه جان فرانسوا دیلفریسی سهرۆكی ئهنجومهنی زانستی فهرهنسی رایگهیاند كه پێناچێت بهر له كۆتایی 2022 و ساڵی 2023 ژیان ئاسایی ببێتهوه.
پێشتر دیلفریسی كه راوێژكاری حكومهتی فهرهنسایه پێشبینی كرد كه لهسهرهتای مانگی ئابدا ژمارهی توشبووانی رۆژانه له فهرهنسا بگاته نزیكهی 50 ههزار كهس.