کۆنفیدراسیۆنی رەوەندی کوردستانی بە توندترین شێوە سەرکۆنەی ئەو هێرشە ترسنۆکانەیە دەکات کە بەرەبەیانی ئەمڕۆ دووشەممە، 17ی ئابی 2026، کرایە سەر نووسینگەی تایبەتی سەرۆکوەزیرانی هەرێمی کوردستان و شوێنی حەوانەوەی بەڕێوەبەری ئاژانسی پاراستن لە قەزای پیرمام.
ئێمە لە کۆنفیدراسیۆنی رەوەندی کوردستانی رایدەگەیەنین کە ئەم هێرش و دەستدرێژییانە بۆ سەر دامەزراوە شەرعی و نیشتمانییەکانی هەرێمی کوردستان پێشێلکارییەکی روونی یاسا نێودەوڵەتییەکان و ئاماژەیەکی مەترسیدارن بۆ تێکدانی پێکەوەژیان و سەقامگیریی کۆمەڵایەتی و سیاسی لە هەرێمی کوردستاندا.
جەخت لەوە دەکەینەوە کە تەواوی بەرپرسیارێتیی یاسایی و سیاسیی لێکەوتەکانی ئەم هێرشە لە ئەستۆی ئەنجامدەرانیدایە و پێویستە کۆمەڵگەی نێودەوڵەتی هەڵوێستی جیددی و کردەیی لە بەرانبەر ئەم دەستدرێژییە سنووربەزێنانە هەبێت.
کۆنفیدراسیۆنی رەوەندی کوردستانی
17ی ئابی 2026