زەلیمخان موتسۆیێڤ، تەنیا پەرلەمانتاری کوردە لە رووسیا، بۆ حەوتەمین جار وەک بەربژێرێکی سەربەخۆ لە هەرێمی پێرڤە ئوڕاڵسک بە دەنگێکی زۆر بۆ خولی نۆیەمی پەرلەمانی رووسیا سەرکەوتنی بەدەستهێنا.
لە رۆژانی 18 و 19 و 20-ی ئەیلول 2026 ھەڵبژاردنی پەرلەمانی روسیا بەرێوەچوو، زیاتر لە 3 و 100 ھەزار پاڵێوێراو کێبرکێیان لەسەر 450 کورسی دەکرد. ناوچەی پێرڤە ئورالسکی رووسیا، زۆربەی دانیشتوانەکەی رووس و میللەتانی ترن، بەڵام بەهۆی ئەو خزمەتە بەرچاوانەی زەلیمخان پێشکەش بە هەرێمەکەی کردووە، هەر حەوت جارەکە خەڵکی ناوچەکە بە زۆرینەی دەنگ، پاداشتی ئەرک و ماندووبوونی و خزمەتەکانی دەدەنەوە و وەک نوێنەری خۆیان دەینرێنە پەرلەمانی رووسیای فێدراڵ.
زەلیمخان موتسۆیێڤ لە ١٣ی ئۆکتۆبەری ١٩٥٩ لە تبلیسی پایتەختی جۆرجیا لەدایکبووە.
ساڵی ١٩٨٩ کۆلێژی ئابوری و رێکخستنی بیناسازی لە ڤۆڵگەگراد تەواوکردووە.
ساڵی ١٩٩٩ لە هەرێمی پێرڤەئوراڵسک، بۆ یەکەمجار وەک پەرلەمانتاری سەربەخۆ هەڵدەبژێردرێت بۆ پەرلەمانی رووسیا، لەهەڵبژاردنەکانی ئەمجارەی پەرلەماندا ریکۆردێکی نوێی تۆمارکرد و بۆ حەوتەمین جار زۆرینەی دەنگەکانی ناوچەی پێرڤە ئوراڵسکی بەدەستهێنا و بۆ ماوەی پێنج ساڵی بوویەوە ئەندامی ئەنجوومەنی دوومای رووسیا.
خۆشەوی محەممەد