كەناڵی زەیتوونەی سەر بە بزووتنەوەی نەهزەی ئیخوانی توونس، بە بڕیاری سەرۆكی ئەو وڵاتە داخرا و، بەشێک لە کارمەندانیشی لە دادگایەکی سەربازیدا دادگایی دەکرێن.
بەپێی سەرچاوەكانی هەواڵ، كەناڵەكە لەلایەن هێزە ئەمنییەكانی توونس و بە بڕیاری قەیس سەعید، سەرۆکی وڵاتەکە، داخراوە و پەخشەكەی راگیراوە، بەشێك لە كارمەندەكانیشی لە دادگای سەربازی دادگایی دەكرێن.
بزووتنەوەی نەهزەی ئیسلامیش، بەهۆی ئەو فشارانەی لەسەری درووستبوون، دووچاری تەنگەژە و ناكۆكی نێوخۆ بووە و، سەدان سەركردەكەی حیزبەكە كشاونەتەوە.
حیزبە ئیسلامییەكان لە ماوەی دوو مانگی رابردوودا، لە توونس و مەغریب دووچاری شكستی گەورە بوون، یەكەمیان لە رێگای كودێتا و دووهەمیان لە رێگای هەڵبژاردنەوە.