سەرۆک وەزیرانی عێراق دەستگیرکردنی بەرپرسێکی باڵای داعشی ڕاگەیاند، کە جێگری ئەبوبەکر بەغدادی بووە.
مستەفا کازمی سەرۆکوەزیرانی عێراق لە تویتێکدا ئەمڕۆ دووشەممە 11ی تشرینی یەکەمی 2021 نووسیویەتی: ئەوكاتەی چاوی قارەمانەكانی هێزە ئەمنییەكان بێداربوون بۆ پاراستنی هەڵبژاردن، باسكە ڕەسەنەكەیان لە دەزگای هەواڵگری پڕۆسەیەكی قورسی هەواڵگرییان لە دەرەوەی سنوور ئەنجام دا بۆ دەستگیركردنی سامی جەمال ناوێك، كە سەرپەرشتیاری دارایی داعش و جێگری ئەبوبەكر بەغدادی گۆڕبەگۆڕە، بژی عێراق.