فیستیڤاڵی هەنار لە هەڵەبجە بەڕێوەدەچێت

حەوتەمین فیستیڤاڵی هەنار و پایزی هەڵەبجە، بە ئامادەبوونی لێپرسراوان و ژمارەیەكی زۆر لە چین و توێژە جیاوازەكان دەستی بەكارەكانی كرد.
ستار مەحمود بەڕێوبەری گشتی كشتوكاڵی هەڵەبجە لەمەراسمی كردنەوەی فێستڤاڵەكەدا رایگەیاند: بەرهەمی هەناریان دەگاتە 30 هەزار تۆن و هەناری ناوچەكەش بووەتە براندێكی بازرگانی، ئومێدیشی دەخواست حكوومەتی هەرێم، بودجەیەكی تایبەت بۆ قەرەبووی وشكەساڵی دابین بكات و، هاوكاری جوتیاران بێت، كە ئەمساڵ بەهۆی وشكەساڵییەوە زەرەرمەندبوون.
هەر لەفێستیڤاڵەكەدا ئازاد تۆفیق پارێزگاری هەڵەبجە رایگەیاند: ئەم فێستیڤاڵە رەهەندی ئابووری و كشتوكاڵی هەیە، ناوبانكێگ بۆ پارێزگاكە پەیدا دەكات، دەشتوانن لە پاڵ هەڵەبجەدا ناوی هەنار بهێنین.