ڕۆژی 28ی ئەم مانگە، كۆمپانیای فەیسبووك كۆنگرەی (كۆنێكت) ڕێكدەخات و، بڕیارە مارك زكربێرگ-ی سەرۆكی كۆمپانیاكە ناوی فەیسبوك بگۆڕێت.
پێگەی Theverge بڵاویكردەوە كە زكربێرگ ناوی كۆمپانیای فەیسبووك دەگۆڕێت، بەڵام ناوە تازەكەی كۆمپانیاكەی ئاشكرانەكردووە و دەڵێت، لە چوارچێوەی زنجیرەیەك گۆڕانكاریی ڕیشەییدایە، كە كۆمپانیاكەی مارك زكربێرگ بۆ بونیادنانی جیهانێكی فروانتری گریمانەیی و بۆ ئاڵوگۆڕی زیاتری پەیوەندییە کۆمەڵایەتی و ئابوورییەكان بە تەکنەلۆژیای نوێ ئەنجامی دەدات.