ڕێکخراوە ناحکوومییەکان، تۆڕی کۆمەڵایەتی فەیسبووکیان بەوە تۆمەتبار کرد، کە بە مەبەستی لادانی ڕای گشتی لەو کێشە و ئابڕووچوونە زۆرەی ڕووبەڕووی دەبێتەوە، بە ڕاگەیاندنی پێشنیارێک بۆ گۆڕینی ناوەکەی دەیدەن.
بە پێی ئەو زانیاریانەی لەلایەن ڤێرجەوە بڵاو کراوەتەوە، فەیسبووک کە تۆڕەکەی ئینستاگرام و واتساپ و مێسنجەر دەگرێتەوە، پلانیان هەیە کۆمپانیایەکی دایک بە ناوێکی نوێ درووست بکەن.
بیندیکت ئیڤانس، شیکەرەوەی تەکنەلۆجیای سەربەخۆ، لە تویتەر نووسیویەتی: “ئەگەر تۆ ناوێکی نوێ لەسەر بەرهەمێک درووست بکەیت، کە چیدی سەرکەوتن نییە، خەڵک بە خێرایی تێدەگەن کە مارکە نوێیەکە هەمان کێشەی هەیە”.
گوتیشی: “دەکرێت ڕێگایەکی باشتر بۆ چارەسەرکردنی کێشەکە هەڵبگیرێت و، دواتر مارکێکی نوێ دەست پێبکرێت، کە ڕەنگدانەوەی بەرهەمی نوێ بێت”.
جێگەی باسە فەیسبووک ڕەتی کردەوە وەڵامی پرسیارەکانی AFP بداتەوە بۆ لێدوان