بەشێک لە بەکارهێنەرانی ئێرانی باسیان لەوە کردووە، کە ناتوانن کەڵک لە تۆڕی کۆمەڵاتی “تیک تۆک”(Tiktok) وەربگرن.
بە گوتەی ئەو بەکارهێنەرانە، پێشتر زۆر بە ئاسانی لە ڕێگای ئینتەرنێتی “وای فای، یا هات سپات” دەیانتوانی لە “تیک تۆک” سوودمەندبن، لە حاڵێکدا ئێستا بە فلتەرشکێنیش ناتوانن پەیوەندی پێوە بکەن.
کارناسێکی بەشی تەکنیکی زانیاری و پەیوەندییەکان، گوتوویەتی: “کاتێک کەسێک دەبێتە ئەندامی تۆڕی کۆمەڵایەتیی تیک تۆک، ئەو ئەپە لە ڕێگای ئۆپراتۆری سیمکارت و ئای.پی ئەو کەسە ئاشنایەتی درووست دەکات و، لە ئەگەری ئەوەی کە ئێرانی بێت بۆ هەمیشە هەژمارەکەی دادەخات”.
بە دوای گەمارۆکانی ئەمەریکا بۆ سەر ئێران، چەندین کۆمپانیای ئینتەرنێت، ئەپەکانی خۆیان لەسەر بەکارهێنەرانی ئێرانی داخستووە.