دادگایەکی میسر، سێ تۆمەتباری لە سێدارەدا، یەکێ لەوانە بەها کاشک، کە وەک پاسەوانی تیرۆریست هشام عشماوی خزمەتی کردووە، بەتۆمەتی سەرۆکایەتی گرووپی تیرۆریستی ئەلمراتبین.
محەممەد فەتحی (هەڵاتوو) و محەممەد مەرجان ئەلجەهاری (هەڵاتوو) لە نێوان ساڵانی 2012 و 2019 دەستگیرکران، کە سەرکردایەتی گرووپێکی تیرۆریستیان لە نێوەوە و دەرەوەی میسردا دەکرد.
ئەوە ڕوونکراوەتەوە، کە گرووپەکە، ئامانجیان بەکارهێنانی هێز و توندوتیژی و هەڕەشە و تۆقاندنە بە مەبەستی تێکدانی گشتی و، مەترسی خستنە سەر سەلامەتی و بەرژەوەندی و ئاسایشی کۆمەڵگا و زیانگەیاندن بە تاکەکان و تیرۆرکردنیان، هاوکات مەترسی لەسەر ژیان و ئازادی و مافی گشتی و تایبەتی و ئاسایش و ئازادی و مافەکانی دیکە، کە دەستوور و یاسا مسۆگەری کردوون، وە زیانگەیاندن بە یەکڕیزیی نەتەوەیی و ئاشتی کۆمەڵایەتی و ئاسایشی نەتەوەیی و ڕێگەگرتن و ڕێگریکردن لە دەستەڵاتدارانی گشتی و، بەرژەوەندییەکانی حکوومەت، هاوکات کارکردن بۆ تێکدانی جێبەجێکردنی بەندە دەستووری و یاساییەکان.
ئەو سێ تیرۆریستە، تاوانبارن بە گۆڕینی ڕژێم بە زەبری هێز، هێرشکردنە سەر ئەندامانی هێزە چەکدارەکان و پۆلیس و، هاوکات حەڵاڵکردنی خوێنی مەسیحییەکان و لێسەندنەوەی پارە و ماڵ و موڵکیان، وە بە ئامانجگرتنی دامەزراوە گشتییەکان.
لە لێکۆڵینەوەکاندا ئاماژە بەوە کراوە، کە تیرۆر یەکێکە لەو ئامرازانەی ئەو گرووپە بۆ هێنانەدی و جێبەجێکردنی ئامانجە تاوانکارەکانی بەکاریان هێناوە.