فاتیمە نەورۆزی تەمەن 122 ساڵان وەک بەتەمەنترین ژنی جیهان دەستنیشان کراوە.
فاتیمە نەورۆزی ساڵی 1899 لە پارێزگای خۆراسان لە ئێران لەدایکبووە و لە تەمەنی 25 ساڵی شووی کردووە و هیچ بەهرەیەکی لە خوێندەواری نەبردووە.
لەئێستادا چاوی کز بووە و گوێچکەی زۆر باش نابیستێت و ڕۆژانە گۆچان بە ڕێدا دەڕوات و بە وتەی خۆی پێنج فەرزەی نوێژ بەجێدێنێت و دەڵێت نەخۆشی دڵ و زەخت و چەوری خوێنی هەیە.
پێشتر کین تاناکای ژاپۆنی کە تەمەنی 118 ساڵان بوو وەک بەتەمەنترین ژنی جیهان دەناسرا، بەڵام لە ئێستادا فاتیمە نەورۆزی بەتەمەنترین ژنی جیهانە.