بەڕێوەبەرى گشتى رێکخراوى تەندرووستى جیهانى، داواى دواخستنى پێدانى ژەمى سێیەمى ڤاکسین دەکا و، هۆشداریش لە دەرکەوتنى نەوەى بەهێزترى کۆرۆنا دەدا.
ئەمڕۆ تیدروس ئەدهانۆم، بە ئاژانسی رۆیتەرزی رایگەیاند، نەوەى بەهێزترى کۆرۆنا دەردەکەوێت، ئەگەر رێژەى پێدانى ڤاکسین لەسەر ئاستى جیهان بەرز نەکرێتەوە، ئاماژەی بەوەشدا، ئەو ژەمە ڤاکسینانەى کە باس لەوەدەکرێ وەک ژەمى سێیەم بە توشبووان بدرێن، پێویستە ببەخشرێنە ئەو وڵاتانەى کە هاووڵاتییەکانیان ژەمى یەکەم، یا دووەمیان پێنەگەیشتووە.
ئێستا لە لایەن دامەزراوە تەندرووستییەکانى ئەمەریکاوە رەزامەندی لەسەر ئەوە دراوە، ژەمی سێیەمی ڤاکسین بەو کەسانە بدرێ، کە بەرگرى جەستەیان لاوازە.