ئاستی مەترسی ئەنفلۆنزای باڵندە لە سوید بەرزکربووەتەوە بۆ ئاستی 2 لە ناوچەکانی باشووری وڵات، هاوکات دەستەی کشتوکاڵی ئەو وڵاتەش وەرزی نەخۆشییەکانی ئەمساڵی بەمەترسیدارترین وەرزی ئاستی نەتەوەیی وێناکرد.
ئەمڕۆ لە راگەیاندراوێکی ڕۆژنامەوانیدا، کاترینا گیلین، رایگەیاند، “لەماوەی هاوین و پایزدا چەندین حاڵەتی توشبوون لە باڵندە کێوییەکانی سوید دۆزرایەوە” ئەوەش لە کاتێکدایە هەفتەی ڕابردووش راپۆرتی سەرهەڵدانی پەلەوەر لە ئیتالیا و ئەڵمانیا و ئەمەریکا، هۆڵەندا و دانیمارک بڵاوبوونەوە.
ئاستی مەترسی هەوکردن لە سەرتاسەری سوید بەرزە، بە تایبەتی لە باشووری سوید.
جیلین ئامۆژگاری جوتیارانی پەلەوەری کرد و گوتی: “وەک بەرهەمهێنەرێکی پەلەوەر، پێویستە هەموو شتێک بۆ پاراستنی باڵندەکان لە پەیوەندی ڕاستەوخۆ لەگەڵ باڵندە کێوییەکان بکەن”.
لە بەهاری ئەمساڵدا، دەستەڵاتدارانی تەندرووستی سوید، 18 هەزار مریشکیان لە شاری سکۆنی باشووری وڵات لە نێوبرد، ئەوەش دوای ئەوەی تووشی نەخۆشی ئەنفلۆنزای باڵندە بوون.
شایانی باسە، ئێستا سوید هەموو تۆمارەکانی پێشووی بە ئەنفلەوەنزای باڵندە شکاندووە.