کۆنفدراسیۆنی ڕەوەندی کوردستانی، پیرۆزبایی خۆیان ئاڕاستەی بورهان ئەحمەدی دەکەن، بە بۆنەی هەڵبژاردنی بۆ نوێنەرایەتی هاوپەیمانی وڵاتانی باکوور و گرووپی هاوکاری بە جیهانی بوون، کە لەلایەن پارتی سۆسیال دیموکراتی فینلاندییەوە دیاریکراوە.
دەقی پەیامەکە:
ئێمە وەک کۆنفدراسیۆنی ڕەوەندی کوردستانی، بە بۆنەی هەڵبژاردنی بورهان ئەحمەدی لەلایەن پارتی سۆسیال دیموکراتی فینلاندییەوە، وەک نوێنەرایەتی پارتەکەی بۆ نێو هاوپەیمانی وڵاتانی باکوور و گرووپی هاوکاری بە جیهانی بوون ، پیرۆزباییەکی گەرمی خۆمانی ئاڕاستە دەکەین.
هەڵبژاردنی کاکە بورهان ئەحمەدی، وەک کوردێک کە بووەتە نوێنەری پارتی سۆسیال دیموکراتی دەستەڵاتدار لە فینلاند بۆ هاوپەیمانی وڵاتانی باکوور و گرووپی هاوکاری بە جیهانی بوون، خۆی لە خۆیدا جێی خۆشحاڵی و شانازییەکی گەورەیە بۆ گەلەکەمان و، هیوای سەرکەوتنی لەو ئەرکە نوێیەدا بۆ دەخوازین.
کۆنفدراسیۆنی ڕەوەندی کوردستانی
9ی2ی2022