دەستەڵاتدارانی فەرەنسا 500 کۆچبەر کە ژن و منداڵیشیان تێدایە، لە ژێر پردەکان نیشتەجێی ببوون، گواستەوە بۆ پەناگەی جۆراوجۆر.
بەرەبەیانی ئەمڕۆ پێنج شەممە، پارێزگای پاریس ڕاگەیاند، نزیکەی 498 کۆچبەر کە لە تونێلێکی تەسکدا کەمپی هەڕەمەکییان لە باکووری پاریس بۆ خۆیان درووست کردبوو، گواستنیانەوە بۆ پەناگە جۆراوجۆرەکان.
پیەر ماثورین، بەرپرسی ئوتۆپیا 56 لە پاریس، ڕایگەیاند، لە 14ی شوباتەوە سەدان کۆچبەر لەو شوێنە دەژین، کە خێزان و کەسانی بچووکی بێ هاوکاریشیان تێدایە، کۆچبەران چادرەکانیان لە تونێلە تەسکە هەڵدەدا و تێیدا دەژیان.
کۆچبەرەکان بە چەند پاسێک جیاکرانەوە بۆ چەند گرووپێکی جیاواز، ژن و منداڵ و کەمئەندامی بێهاوبەش و، پیاوە بێ ژنەکانیان، بۆ پەناگە جۆراوجۆرەکان گواستەوە، هەروەها پۆلیس رۆژنامەوانانی لە هەڵمەتی دەرکردنی کۆچبەرەکان دوور خستەوە.
ئۆسیان ماراخی کە لە کاتی چۆڵکردنەکەدا ئامادەبوو، رایگەیاند، کە ئەوان خێزانە کۆچبەرەکانیان دڵنیاکردۆتەوە، کە بێشک دەنێردرێنە ناوچەکانی فەرەنسا، بەو پێیەی زۆربەیان دەیانەوێت لە پاریس بمێننەوە بۆ پەروەردەکردنی منداڵەکانیان، چونکە لەوێ ڕاهاتوون.
