ڕۆژی یەکشەمە ڕێکەوتی ٢٠/٠٣/٢٠٢٢ لە وڵاتی ئۆتریش شاری وییەن بە ھاوبەشی سێ ڕێخراوەی کوردی لە لایان ناوەندی دیاسپۆرا کوردی، چاندو جڤاکا کوردی، کلووپا تیما فووتبۆلێ کوردڤین، جێژنی نەورۆز بە ئەو پەڕی
خۆشییەوە بەڕێوەچوو.
سەرەتا لە لایان بەرپرسی ڕێخراوەی دیاسپۆرا کوردی کاک نزار مووسا بەخێر ھاتنی بەشداربووانی جێژنەکەی کرد و چەن خۆلەکێکیش باسی لە سەر چۆنیەتی نەورۆز و جێژنی کوردەواری نەورۆز کرد.
پاش بەخێر ھاتن و پیرۆزبایی، سروودی نیشتمانی و نەتەوەیی ئەی ڕەقیب پشکەش کرا.
شایانی باسە ئاھەنگی جێژنی نەورۆز بە بەشداربووانی سێ ھونەرمەندی دەنگ خۆش و کوردستانی، ھۆنەرمەند عەبدۆلباسد داریی، سامان عەبباسی، ھونەر نەچیرڤان، ئاھەنگی جێژنی سەری ساڵی نوێی کوردی و نەرۆزیان بە ئەو پەڕی خۆشی و سۆزەوە پشکەش بە بەشداربووان کرد و ئێمەش وەک سێ ڕێخراوەی کوردی، پڕ بە دڵ دەست خۆشیان لێ دەکەین و بە ماندووبوونیان دەزانین و بەشداریی کردنیان لەم بۆنە پیرۆزە بەرز و پیرۆز دەنەرخێنین.
ھیوادارین و ئاواتەخوازین لە داھاتوو دا ھەر ھەموومان بێ وچان و پێکەوە بە یەکگرتووی و ھاودەنگی و ھاوسۆزی ھەوڵ و تەقالا بدەین، بۆ یەکڕێزی و یەکگرتووی نێو ماڵی پرژ و بڵاوی کورد.
