ستیڤن کوک، توێژەری ئەمەریکایی دەڵێ ڕۆژنامەنووسانی تورکیا، باوەڕیان بە حکوومەتەکەیان نییە.
کوک، گوتارێکی لە گۆڤاری سیاسەتی دەرەوەی ئەمەریکا بڵاوکردەووەتەوە، کە تێیدا باس لە دۆخی ناڕەزایی تورکیا و سەرکوتکردنی گەلەکەی لەلایەن ڕەجەب تەیب ئەردۆغانەوە کردووە.
ئەو توێژەرە ئەمەریکییە، لە گوتارەکەیدا ڕوونی کردووەتەوە، کە ڕۆژنامەنووسانی ئۆپۆزسیۆن لە تاراوگە، پۆستەکانیان ملیۆنان بۆچوونیان لە تۆڕە کۆمەڵایەتییەکاندا لەسەر دەدرێت.
حکوومەتەکەی ئەردۆغان کۆنترۆڵی میدیاکانی ئەو وڵاتە دەکات و، بە توندیش تۆڕە کۆمەڵایەتییەکانی گەمارۆداوە.
کوک، ئەوەشی خستەڕوو، کە زۆر گرینگە ڕۆژنامەنووسانی ئۆپۆزسیۆن وەک جەعفەری جۆڤان، ببنە سەرچاوەی هەواڵی باوەڕپێکراو.
کوک لە گوتارەکەیدا، سەرنجی بۆ سەر ئەو باوەڕە بەربڵاوەی، کە ئەردۆغان لە ساڵی 2008ەوە لە ڕێگای گەڕانەوە بۆ دەستەڵاتخوازی داوە.
کوک تێبینی ئەوەشی کردووە، کە کەمبوونەوەی درێژخایەنی سامانی ئابووری وڵات و پەتای کۆرۆنا لە ساڵی 2020دا، بووە هۆی ناسەقامگیری لەو وڵاتە.
کوک نووسیویشیەتی، دەکرێت هێڵێکی راستەوخۆ لە ڕووداوەکانی تورکیا بکێشرێت، کە دەریدەخات کە چۆن دیدی ئاکەپە تێکچووە.