ئەڤرو سێشەمبی 26.12.2023 لباژێرێ ( ئێسن – Essen ) لبارەگایێ کۆمەلا هێلین و بئامادەبون و بەشداریا فەدەراسیۆنا کۆمەلێن کوردستانی ل ئەلمانیا و جەماوەرەکی مەزن ژ نڤیسکار ، رەوشەنبیر، هەلبەستڤان ، سیاسەتمەدار و کەسایەتیێن کوردستانی لدیاسپۆرایێ راگەهاندنا دامەزراندنا فەدەراسیۆنا نڤیسکارێن کوردستان – دیاسپۆرا هاتە لدارخستن ، تێدە دەستەیا ڕێڤەبەر بخێرهاتنا مێهڤانان کر و سوپاسیا هاتن و بەشداریا وان کر . پشتی خولەکەک بێدەنگی لسەر گیانێ پاکێ پاکڕەوانێن کورد و کوردستانێ بەیاننامەیا دامەزراندنا فەدەراسیۆنا نڤیسکارێن کوردستان – دیاسپۆرا ژ لایێ دەستەیا رێڤەبەر ب هەردو زاراڤێن کورمانجی و سۆرانی هاتە خوەندن تێدە تەکەزی لسەر گرنگیا دامەزراندنا ڤێ فەدەراسیۆنێ لوەلاتێ کۆچبەریێ ژ بۆ خزمەتا چاند ، وێژە ، ئەدەب ، زمان و فەرهەنگا کوردستانی یا ڕەسەن و یەکڕێزیا پەیڤا کوردستانی لدیاسپۆرایێ کرن .
پشترە چەند هەلبەستڤانێن کوردستانی هەلبەستێن خوە ێن بالکێش و بواتە پێشکێش کرن .
بناڤێ فەدەراسیۆنا کۆمەلێن کوردستانی ل ئەلمانیا پر ژ دل پیرۆزباهیا ڤی پرۆژەیی دکەین و داخوازیا سەرکەفتنێ ژ بۆ وان دکەین .
بژی کورد و کوردستان
فەدەراسیۆنا کۆمەلێن کوردستانی ل ئەلمانیا
26.12.2023