ئەندامێکی ناوەندی ڕەوەندی کوردستانی لە ئەڵمانیا بە فەرمیی بانگهێشتی مەراسیمێک کرا و چاوی بە سەرۆکی ئەو وڵاتە کەوت و داوایلێکرد سەردانی هەرێمی کوردستان بکات.
بە ئامادەبوونی سەرۆکی ئەڵمانیای فیدراڵ (فرانک واڵتەر شتاینمار) یادی پێنجەمین ساڵیادی تیرۆر کردنی (د.واڵتەر لوبکێ) سەرۆکی پێشووی هەرێمی هێسن-کاسێل کرایەوە، کە بە دەستی توندڕەوەکان تیرۆرکرا، هاوکات بە فەرمییش د.ڤیان وەک ئەندامێکی ناوەندی ڕەوەندی کوردستانی و چالاکوانێک لە ئەڵمانیا بانگهێشتکرا و بەشداربوو.
د.ڤیان لەم مانگەدا ڕەگەزنامەی ئەڵمانیای وەرگرتووە، بۆیە سوپاسی سەرۆکی ئەڵمانیای کرد، کە وەک هاوڵاتییەکی ئەڵمانیا قبوڵیان کردووە و ناوەندی ڕەوەندی کوردستانی ئەڵمانيای فيدراڵ داوای لە سەرۆکی ئەڵمانیا و خانمەکەی کرد، کە لە نزیکەوە سەردانی هەرێمی کوردستانی دایک بکەن، بە تایبەت مۆزەخانەی بارزان و لالشێ نورانی، تا ئاگاداری کارەسات و ڕەوشی کورد بن، بە تایبەت کوردانی ئێزدی، هەروەها داواشیکرد پاڵپشتییەکی گەرمی کورد و کوردستان بکەن، ئەوانیش بە خۆشحاڵییەوە وتیان ئێمە ئێوە دەناسین و هەولێر دەناسین.
شایانی باسە، د.ڤیان داوایکرد وێنە لەگەڵ سەرۆکی ئەڵمانیا و خانمەکەی بگرێت، ئەوانیش قبوڵیان کرد و لە ڕۆژنامەکانی ئەڵمانیا بڵاوکرایەوە