ئەکادیمیای کەلتووری سەربە کۆنفیدراسیۆنی رەوەندی کوردستانی، لە ژێر درووشمی ئازارەکانی کوردستان لە مانگی ئازار، تا کۆتایی مانگی نیسان، سیمینارێکیان لە ئەڵمانیا و بە بەشداری چەندان کوردانی تاراوگەی هەر چوار پارچەی کوردستان ساز دا.
رێکەوتی ٢٠، ٤ ، ٢٠٢٥، بە سەرپەرشتی د. ڤیان یوسف، هەروەها بە ئامادەبوونی ژمارەیەک لە نوێنەرانی کۆمەڵە کوردستانییەکانی دانیشتووی وڵاتی ئەڵمانیا، سیمینارێک بەڕێوە چوو.
سيمینارکە بە زمانی کوردی و لە ژێر چەتری ئەکادیمیای کولتوری و نێونەتەوەیی شاری کاسێلی ئەڵمانیا بەڕێوەچوو، تێیدا خاتوو پرشنگ فەلەکەدین کاکەیی، شارەزا لە ئایین و فەرهەنگی ئایینی کوردانی یارسان لە ئێران و عێراق بە هەر دوو دیالێکتی سۆرانی و کرمانجی سەروو پێشکەش کرا.
ناوەڕۆکی باسەکە تیشکی دەخستەسەر ئازارەکانی کورد لە سەرەتاکانی شەڕی یەکەمی جیهانییەوە، تا ئەم سەردەمە.
لە کۆتاییدا، دەرفەتێکی کراوە بە بەشداربووان درا، کە پرسیار و سەرنجەکانیان ئاڕاستەی پێشکەشکار بکەن، ئەویش بەمەبەستی بەردەوامبوون لەسەر تەوەرە جیاجیاکانی پرسی کورد لە دەرەوە و ناوەوەی کوردستان.
شایانی باسە، چەندین کۆمەڵەی کوردی ئامادەبوونی خۆیان بۆ بەرفراوانکردنی ئەو جۆرە چالاکییانە نیشان دا، ئەوەش بۆ گەیاندنی دەنگی کورد بە جەماوەری خودی کورد لە هەندەران و هاووڵاتییانی ئەڵمان.