کۆنفیدراسیۆنی ڕەوەندی کوردستانی، بۆ کۆچی دوایی خانمە نووسەر و شاعیری کورد، مزگین حەسکۆ، پرسە و سەرەخۆشیی خۆیان ئاڕاستەی خانەوادەکەی دەکەن.
دەقی پرسەنامە:
بەداخ و پەژارەیەکی زۆرەوە، کە هەواڵی مەرگی خانمە نووسەر و شاعیری کوردی ڕۆژئاوا مزگین حەسکۆمان پێگەیشت، کە لە وڵاتی ئەڵمانیا کۆچی دوایی کرد.
خاتوو مزگین تەنیا لە کەسوکار و خانەوادەی نەڕۆشتووە، بەڵکوو لە سەرجەم گەلی کورد ڕۆیشتووە، چونکە کۆچکردوو هەموو تەمەنی خۆی لەپێناو ئەدەب و کولتووریی کورد تەرخان کرد.
دووبارە سەرەخۆشیی خۆمان ئاڕاستەی خانەوادە بەڕێزەکەیان دەکەین، بەهیوای ئارامییان، یەزدانی مەزن ڕۆحی خاتوو مزگین لە ئارامیدا بهێڵێتەوە.
کۆنفیدراسیۆنی ڕەوەندی کوردستانی
٢ی١٠ی٢٠٢٥