ئازمان ، وەک گەنجێکی کورد لە تاراوگە ، توانیویەتی لە زۆر بواردا جێ دەستی دیاربێت و خزمەت بە نیشتمان و نەتەوەو زمانی کوردی بکات بە کارە ھونەریەکانی .
بێگومان ئەم ھونەرمەندە گەنجە لە بنەماڵەیەکی ھونەری و ڕۆشبیریە ، سەرەڕای دایک و باوکی لە بواری ھونەریدا کەسایەتی دیار ن ، لەھەمان کاتدا نەوەی شاعیری گەورەی کورد حەسیب قەرەداخی یە ، لەم بەرھەمە نوێیەی ئازمان تێکستی باپیری بە تەکنیکێکی نوێ و مۆدێرن وەک کلیپ بڵاوکردوەتەوە .
ناوی راستەقینەی ئەو گەنجە، “شارۆ”یە و کوڕی ھونەرمەندان نیگار قەرەداخی و شەماڵ عومەرە .
ئازمان لە ئێستادا سەرقاڵی ئامادەکردنی سێ گۆرانییە بە شێوازی نوێ ، بە کوردی و ئەڵمانی، لە ھۆنراوەی حەسیب قەرەداخیی و ھۆنراوەی ئازا حەسیب قەرەداخی .
ئەم بەرھەمە نوێیەی ھۆنراوەی باپیری ( شەو و گریان و مەرگ) ی کردووەتە گۆرانی، ئەم شعرە تایبەتە بۆ کۆڕەوی ملیۆنی کورد .
