دوای 40 رۆژ لە دەستگیرکردنی چارەنووسی کوردێک نادیارە

هاووڵاتییەکی خەڵکی مەهاباد، نزیکەی 40 ڕۆژە لەلایەن نێوەندە ئەمنییەکانی کۆماری ئیسلامی ئێرانەوە دەستگیرکراوە و چارەنووسی نادیارە.

بەگوێرەی هەواڵی رێکخراوی مافی مرۆڤی هەنگاو، سەرەڕای تێپەڕینی 40 ڕۆژ لە دەستگیرکرانی ناوی موحسین ئەحمەدزادهی تەمەن 32 ساڵی خەڵکی گوندی کۆسەکەرێزی مەهاباد و، سەرباری بەدواداچوونی بەردەوامی بنەماڵەکەی، هێشتا چارەنووس و شوێنی ڕاگیرانی نادیارە.

ڕۆژی دووشەممە 30ی ئۆگەستی 2021، موحسین ئەحمەدزادە لەلایەن هێزەکانی ئیدارەی ئیتڵاعاتی مەهاباد دەستگیرکراوە و بۆ یەکێ لە گرتووخانەکانی ئەو نێوەندە ئەمنییەی شاری ئورمیە گوازراوەتەوە.

جێگەی باسە، تا ئێستا هیچ زانیارییەک لەسەر هۆکاری دەستگیرکردن و، چارەنووس و شوێنی ڕاگیران و ئەو تۆمەتانەی، کە خراونەتە پاڵ ناوبراو نەزاندراون.