پسپۆرێکی ستراتیژی و شرۆڤەکارێکی سیاسیی ئیماراتی دەڵێ، پەیوەندییەکانی نێوان ئیمارات و هەرێمی کوردستان پەیوەندیی دوو گەلی برا و هاوڕێ و هاوکار و خۆشەویستی و ئاشتیین. لەم پەیوەندییانەدا بەرەوپێشچوونێکی گەورە هەیە لە ڕووی وەبەرهێنانەوە و پشتگیریی ئیماراتی عەرەبی بۆ وەبەرهێنانی ئابووری لە هەرێمی کوردستان گرنگییەکی گەورەی هەیە.
هەرێمی کوردستان جگە لە بوارەکانی تر دەیەوێت پەیوەندییە سیاسی و دیپلۆماسییەکان لە هەموو ڕوویەکەوە پەرە پێ بدات، لەم چەند ڕۆژەدا جووڵە و تەڤگەرێکی بەهێز دەستی پێ کردووە، سەرۆکی هەرێمی کوردستان، نێچیرڤان بارزانی، سەردانی ئیماراتی عەرەبیی کرد، ئەمەش مەشهەدێکی گەورە بوو.
لەو بارەیەوە، د. سالم ئەلکتبی، پسپۆڕی یاسای گشتی و زانستە سیاسییەکان، تایبەت بە ماڵپەڕی فەرمیی پارتی دیموکراتی کوردستان گوتی: ”ئەم پشتگیرییە بۆ هەرێمێکی گرنگ و زیندووە کە بە فرەڕەنگی و سەقامگیری دیار کەوتووە و حەزی لە ئاوەدانی و وەبەرهێنان و گەشەپێدان و بەرەوپێشچوون و بنەڕەتەکانی هاووڵاتیبوونە بۆ هەرکەسێك لەسەر ئەو خاکە دەژی، هاوکات بۆ ئیماراتی عەرەبی خاوەن پسپۆریبوون و ئەزموون گرنگە و تواناییی لۆجیستیی ئابووری و مەعریفیی هەیە بۆ پشتگیریی گەشەپێدانی شارستانییەت و تەکنیکی.”
ئاماژەیشی دا: “ئەم سەردانەی کۆتاییش لە چوارچێوەی پەیوەندییە برایەتییەکان و بەرژەوەندییە هاوبەشەکان بوو بۆ سەرکردایەتی و گەلەکەیان و هەروەها تەفاهومێکی هاوبەش بۆ ئاشتی و گەشەپێدان لە تەواوی ناوچەکە لەپێناو پسپۆڕی و ئەزموونی هاوبەش.