چەکدارانی سەر بە سوپای تورکیا ئەندامانی خێزانێکی کوردیان لە شاری حەلەبی باکووری عەفرین ڕفاند.
بەگوێرەی سەرچاوەکان، پێنج ئەندامی هەمان خێزان، کە دوو ژنی گەنجی تێدایە، لە لایەن چەکدارەکانەوە ڕفێندراون.
ڕفێنراوەکانیان بریتین لە حەنان موساللی 55 ساڵ، نوجین حەنان موساللی 20 ساڵ، نەسرین حەنان موساللی 17 ساڵ و ئەحمەد موساللی 20 ساڵ و محەمەد ئەمین موساللی.
شایانی باسە، بنەماڵە کوردەکە لە بەرەی شەرا-ی ڕۆژهەڵاتی شاری عەفرینن و تا ئێستا چارەنووسیان نەزانراوە.
