ڕاگەیەندراوێک لە وەزارەتی پەروەردەوە بۆ کوردانی تاراوگە :
بەمەبەستی گرنگیدان بە زمانی کوردی بۆ منداڵانی تاراوگە ، وەزارەتی پەروەردە بەهەماهەنگی ناوەندی رەوەندی کوردستانی پۆلی ئۆنلاین بۆ فێربوونی زمانی کوردی ( شێوەزاری سۆرانی و شێوەزاری بادینی ) بۆ منداڵانی تاراوگە دەکاتەوە .
کۆرسی یەکەمی خوێندن لە ٨ ی ٣ ی ٢٠٢٢ دەستیپێکرد و لە ٢١ ی ٨ ی ٢٠٢٢ کۆتایی هات ، کە تیایدا ١٠٧ منداڵی کورد لە دەوڵەتانی جیاوازەوە بەشداریان کرد بۆ ماوەی زیاتر لە پێنج مانگ .
وەزارەتی پەروەردە بۆ کۆرسێکی نوێ دەرگای خۆتۆمارکردن دەکاتەوە کە لەلایەن مامۆستایانی شارەزایی زمانی کوردی وەزارەتی پەروەردە کۆرسەکان دەوترێتەوە.
دەتوانن لەرێگەی وێبسایتی ئەلیکترۆنی ناوەندی رەوەندی کوردستانی منداڵەکانتان تۆماربکەن و پاشتر کۆدیان بۆ دروست دەکریت و رۆژانی هەموو یەکشەممەیەک وانەکان بە ئۆنلاین دەوترێنەوە.
https://kurdistanidc.org/ku/bakurdi-daxwenm/
ڕاگەیاندنی وەزارەتی پەروەردە
٢٢ ی ٨ ی ٢٠٢٢