بەبۆنەی هاتنی جەژنی سەری ساڵی ئایینی ئێزیدییەوە، بەناوی کۆنفیدراسیۆنی ڕەوەندی کوردستانی و سەرجەم کوردانی تاراوگەوە، گەرمترین پیرۆزبایی ئاراستەی تەواوی خوشک و برایانی ئێزیدی لە ناوخۆی کوردستان و سەرتاسەری جیهان دەکەین و هیوای بەختەوەری و شادمانییان بۆ دەخوازین.
خوشک و برایانی ئێزیدی پێکهاتەیەکی دێرین و بەشێکی زۆر ڕەسەن و دانەبڕاوی نەتەوەکەمانن، ئێمە لە کۆنفیدراسیۆنی ڕەوەندی کوردستانی، وەک نوێنەر و دەنگی کوردستانیانی دەرەوەی وڵات، لەم بۆنەیەدا جەخت لەوە دەکەینەوە کە بەتەواوی هاوسۆز و هاوبەشی خەم و ئازارەکانیانین، هەروەها لەسەر ئاستی نێودەوڵەتی و لە تاراوگە، بە هەموو توانایەکمانەوە پشتیوانی لە ماف و داواکارییە ڕەواکانی خوشک و برایانی ئێزیدیمان دەکەین.
ئومێدەوارین ئەم جەژنە و سەرجەم بۆنەکانی داهاتووتان بە ئارامی و دڵخۆشی بەڕێ بکەن و هەمیشە لە خێر و سەرفرازیدا بژین.
کۆنفیدراسیۆنی ڕەوەندی کوردستانی
14ی نیسانی 2026