بە مەبەستی دووبارە هەڵبژاردنەوەی دەستەی نوێی بەڕێوەبردنی ناوەندی ڕەوەندی کورد لە دانیمارک، بە بەشداری چەندین چالاکوان و کەسایەتی کوردی پارچەکانی کوردستان کۆبوونەوەیەک ئەنجامدرا.
ئەمڕۆ یەکشەممە رێککەوتی 24ی10ی2021، بە سەرپەرشتی ناوەندی ڕەوەندی کورد و بە بەشداری ھەڤاڵان ھەورامان عەلی تۆفیق و گژاڵ دەروێش سەرپەرشتی کۆبوونەوەی ناوەندی ڕەوەندی کورد لە کۆپنهاگنی وڵاتی دانیمارک ئەنجامدرا، کە تێیدا ھەڤاڵانی ناوەند و چەند کەسایەتییەک و چەند ئافرەت و گەنجی چالاکوان لە بواری کاری مەدەنی و دیاسپۆرا لە پارچەکانی کوردستان تێیدا بەشداربوون.
لەو کۆبونەوەکەدا چەندین پرسی تایبەت بە ناوەندی دانیمارک و بەرفراوانکردنی کاروچالاکییەکانی تاوتوێکران و، بەشداربووان بە سەرنج و تێبینییەکانیان کۆبوونەوەکەیان دەوڵەمەندتر کرد، هاوکات پرسی تایبەت بە ئایندەی ڕەوەندی کورد لە دەرەوە و لە وڵاتی دانیمارک ھاتە باسکردن و، پلانی داهاتوویش بڕیاریان لەسەر درا، لەوانەش ھەڵبژاردنەوەی دەستەی نوێی بەڕێوەبردن و، دواتر بە شێوەیەکی بەرفراوان ئەرک و کارەکان دیاری کران.
