گوتاری کۆنفدراسیۆنی ڕەوەندی کوردستانی لە پەرلەمانی سوید خوێندرایەوە 

بە بۆنەی 34ەمین ساڵوەگەڕی کیمیابارانی هەڵەبجە، ئەمڕۆ لە پەرلەمانی سوید، کۆبوونەوەیەکی تایبەت بەڕێوەچوو و، تێیدا سەرۆکی کۆنفدراسیۆنی ڕەوەندی کوردستانی گوتارێکی خوێندەوە.

کۆبوونەوەکە بە بەشداری نوێنەرانی لایەنە سویدی و کوردستانییەکان ئەنجامدرا و، تێیدا ئیسماعیل کامیل، سەرۆکی کۆنفدراسیۆنی رەوەندی کوردستانی، گوتارێکی لە پەرلەمانی سوید پێشکەش کرد و، لەو کۆبوونەوەکەدا، داوایان کرد، کە ڕۆژی کیمیابارانی هەڵەبجە، ببێتە ڕۆژی جیهانی قەدەغەکردنی چەکی کیمیایی.

جێی باسە، کۆبوونەوەکە کە تایبەت بوو بە کارەساتی کیمیابارانی هەڵەبجە، بە یادکردنەوەی شەهیدانی کۆمەڵکوژییەکەی کۆتایی هات