مستەر کورد نوێنەری کۆنفدراسیۆنی ڕەوەندی کوردستانی لە ئەمریکا و کەنەدا، لە درێژەی کار و چالاکییەکانیدا، لە نزیکەوە لەگەڵ مارک واڵاس باڵیۆزی پێشوی ئەمریکا لە نەتەوە یەکگرتووەکان و سەرۆکی ئێستای ”دامەزراوەی یەکگرتووانە دژی ئێرانی ئەتۆمی” کۆبنەوە
لەو دیدارەدا هەر دوو لا باسیان لە دوایین پەرەسەندنەکانی ڕۆژهەڵاتی نێوەڕاست بە گشتیی, مەترسییەکانی سیاسەتی ئێران لە جیهان و ڕۆژهەڵاتی نێوەڕاست بە تایبەتی کرد و هەر دوو لا هاوڕا بوون، کە ئێرانی ئەتۆمی مەترسییەکی بێ ئەملاولایە لەسەر ئاشتی و تەناهی نێونەتەوەیی و دەبێ هەموو هەوڵەکان کارا بکرێن بۆ ئەوەی ڕێگر بن لەوەی تاران دەستی بە چەکی ئەتۆمی ڕا بگات.
لە لایەكی دیكەوە باس لە بارودۆخی نێوخۆیی ئێران و پێگەی نەتەوەكانی ژێر ستەم لە ئێران كرا و بە بایەخەوە ئەوە باس كرا، كە دەبێ هەرەوەزییەكی نێونەتەوەیی بۆ لە قاودانی زیاتری سیاسەتەكانی تاران لە هەموو مەیدانەكاندا بە شێوەی كاریگەر پەرەیپێ بدرێ، هەروەها زیانمەندی ساتوسەودای وڵاتانی ڕۆژئاوایی و نەرمی نواندنیان لە هەمبەر ئاژاوەگێڕییەكانی تاران بۆ بیروڕای گشتیی زۆرتر قسەی لەسەر بكرێ.