سەرپەرشتیاری گشتی ڕەوەندی کوردستان بەشداری ڕێوڕەسمی بەرزڕاگرتنی زمانی دایک لە زانکۆی دهۆک دەکات و سمینارێکیش لەژێر ناونیشانی (ڕۆڵی دیاسپۆرا لە داڕشتنی سیاسەتی دەرەوە) پێشکەش بە مامۆستا و قوتابیانی زانکۆی دهۆک کرد
ڕۆژی یەکشەممە ڕێکەوتی ٢٣ی ٢ی ٢٠٢٥ ڕێزدار شفا بارزانی سەرپەرشتیاری گشتی ڕەوەندی کوردستانی بەشداری لە ڕێوڕەسمی بەرزڕاگرتنی ڕۆژی زمانی دایکی کرد ، کە بە هاوبەشی لە نێوان دەزگای ڕوانگە و زانکۆی دهۆک ڕێکخرابوو.
لە ڕێوڕەسمەکەدا تابلۆی هونەری و پانێلی زانستی لەبارەی گرنگی زمانی دایک بۆ هێشتنەوەی نەتەوە و گەلان پێشکەشکران.
ڕێوڕەسمەکە بە ئامادەبوونی پارێزگای دهۆک و سەرۆکی زانکۆی دهۆک و مامۆستا و قوتابیان بەشێکی زۆر لە بەرپرسە حیزبی و حکومییەکانی پارێزگای دهۆک بەڕێوەچوو.
هەر لە هەمان ڕۆژدا بەڕێزیان کاتژمێر ١٢ سمینارێکی لەژێر ناونیشانی (ڕۆڵی دیاسپۆرا لە داڕشتنی سیاسەتی دەرەوە) پێشکەش بە مامۆستا و قوتابیانی زانکۆی دهۆک کرد.
لە سمینارەکەدا شفا بارزانی تیشکی خستە سەر پێناسەی سیاسەتی دەرەوە و کاریگەری سیاسەتی ناوخۆی لەسەر سیاسەتی دەرەوە ڕوونکردەوە، هەروەها بە وردی باسی لە دیاسپۆرا و کاریگەری دیاسپۆرا لەسەر سیاسەتی دەرەوە و چۆنیەتی ڕێکخستن و سود وەرگرتن لە دیاسپۆرا و ئالەنگاری و ئاستەنگەکانی بەردەم بەهێزبوونی دیاسپۆرای کوردستانی کرد.
سمینارەکە بە گفتوگۆیەکی گەرمی نێوان ئامادەبووان جۆش و خرۆشێکی زیاتری وەرگرت و دوای کاتژمێر و نیوێک کۆتایی پێهات.