ئەمەریکا: ئاگری نەورۆز لە ناشڤیل کرایەوە

ئێوارەی ٢٠ی ئازاری ٢٠٢٦، لە ناشڤیل ناوەندی ڕەوەندی کوردستانی ناشڤیل بە هاوکاری یەکێتی کولتوور و مۆسیقای کوردی، ئاهەنگێکی تایبەتی هەڵکردنی ئاگری نەورۆز ڕێکخست.

ئەم چالاکییە ژمارەیەک لە خێزانە کوردییەکان وکوردستانیانی نیشتەجێی ئەو شارە   بۆ پێشوازی لە هاتنی بەهار و یادی مانای نوێبوونەوە و یەکگرتوویی کۆکردەوە . شەوەکە بە گۆرانی، مۆسیقا و پۆشاکی کوردی ڕازاوە بوو و فەزایەکی گەرم و دۆستانەی بۆ بەشداربووان دروستکرد

ڕێکخەرانی چالاکییەکە جەختیان کردەوە کە ئەم جۆرە ئاهەنگانە ڕۆڵێکی گرنگ  لە پاراستنی کولتوور و بەهێزکردنی پەیوەندییە کۆمەڵایەتییەکان لەنێوان نەوەکان داهاتوو  دەبینن