چەکدارێک هێرشی کردووەتەوە سەر بارەگای پارتی دیموکراتی گەلان (هەدەپە)، لە شاری ئیزمیر لە رۆژئاوای تورکیا و هەوڵی سووتاندنی بارەگاکەی داوە.
چەکدارەکە کاتژمێر 11ـی پێش نیوەڕۆی ئەمڕۆ پێنجشەممە 17-6-2021 هەڵی کوتاوەتە سەر بارەگای هەدەپە لە ئیزمیر و هەوڵی سووتاندنی داوە، بەڵام نەیتوانیوە.
بەپێی زانیارییەکان، چەکدارەکە کچێکی بە ناوی دەنیز پۆیراز، کە ئەندامی هەدەپە بووە، کوشتووە.
دایکی دەنیز پۆیراز، ناوی فەهیمە پۆیرازە و ئەندامی ئەنجوومەنی هەدەپەیە لە ئیزمیر.
پارێزگاری ئیزمیر رایگەیاندووە: هێزە ئەمنییەکان توانیویانە چەکدارەکە، کە ناوی (ئۆ. گ.)ـە، دەستگیر بکەن.