بارهەڵگرێک کە لە ڕۆمانیاوە گەیشتووەتە ئەڵمانیا، پۆلیس توانیان چوار کۆچبەری تێدا بدۆزنەوە، کە خۆیان لە بارهەڵگرەکەدا حەشاردابوو، دوو لەو کۆچبەرانە بچووکن، هیچ بەڵگەیەکیش لەسەر تێوەگلانی شۆفێرەکە نییە.
پۆلیسی ئەڵمانیا چوار کۆچبەری دۆزیەوە کە خۆیان لە پشتەوەی بارهەڵگرێک حەشاردابوو، ئەوەش لە ناوچەیەکی پشوودانی نزیک شاری گێرای ئەڵمانیا، بە گوتەی پۆلیسی فیدراڵی، شۆفێری بارهەڵگرەکە لە پشتەوەی بارهەڵگرەکە دەنگی بیستووە و، پۆلیسی ئاگادارکردووەتەوە.
بە گوێرەی لێدوانی پۆلیس، هیچ گومانێک لە شۆفێری بارهەڵگرەکە نییە، کۆچبەرەکان چوونەتە نێو بەشی بارکردنی بارهەڵگرەکە، بەبێ ئەوەی قوفڵی بارهەڵگرەکە بشکێنن.