ئیسرائیل چەند بنکەیەکی سەربازی لە دەوربەری دیمەشق بۆردومان دەکات

ئیسرائیل چەند بنکەیەکی سەربازی دەووروبەری دیمەشق بۆردومان دەکا

بەرەبەیانی ئەمڕۆ فڕۆکە جەنگییەکانی ئیسرائیل چەند بنکەیەکی سەربازی ڕژێمی سوریای لە دەووروبەری شاری دیمەشقی بۆردومان کرد.

ئاژانسی دەنگوبادی فەرمی سوریا، (سانا)، بڵاویکردەوە، کە فڕۆکە جەنگییەکانی تەلئەبییب چەند ناوچەیەکی دەووروبەری دیمەشقی پایتەختیان بۆردومان کردووە و، لە ئەنجامدا سەربازێکی کوژراوە و پێنجی دیکەیش برینداربوون.

هەروەها تەلەڤزیۆنی دەوڵەتی سوریا ڕایگەیاند، کە زیانی مادی بە باڵەخانەیەکی نیشتەجێبوون گەیشتووە، جگە لە ژمارەیەک ئوتۆمبێلی ناوچەی قودس، کە بە هۆی بۆردومانەکانەوە زیانیان پێگەیشتووە، هەروەها موشەکی بەرگییەکان چەند موشەکێکیان تەقاندووەتەوە، پێش ئەوەی ئامانج بپێکن، وە لە بەیاننامەی سوپای سوریاشدا هاتووە، کە
ماڵپەڕی فرانس24 بڵاویکردووەتەوە، ئیسرائیل ئەو هێرشانەی پشتڕاستکردووەتەوە، ئەوەشی وەک وەڵامی ئەو هێرشە موشەکیانە بووە، کە لە خاکی سوریاوە ئاڕاستەی ئیسرائیل کراون.

لەلایەن خۆیەوە، سوپای ئیسرائیل لە شاری ئوم ئەلفەهامی باکووری ئیسرائیل، زەنگی ئاگادارکردنەوەی لێیداوە، پاش ئەوەی موشەکێک لە سوریاوە بەرەو ئیسرائیل رۆیشتووە، بەڵام لە ئاسماندا تەقێنراوەتەوە.

سوپای ئیسرائیل لە تویتەردا بڵاویکردەوە: لە بەرانبەرهێرشی موشەکی هێزەکانی بەرگری دژە فڕۆکە، بەرپەرچیان دانەوەتەوە.

جێی ئاماژەیە، لە مانگی ڕابردوودا هێزەکانی ئیسرائیل، چەند بنکەیەکی حیزبوڵا و بنکەی سەربازی ئێران لە سوریا بۆردومان کردووە.

سۆران حەسەن