ئەحمەد ئەبوغەیت، ئەمینداری گشتی کۆمکاری وڵاتانی عەرەبی، ئیدانەی ئەو هێرشە تیرۆریستییە دەکات، کە شەوی رابردوو کرایە سەر هەولێری پایتەختی هەرێمی کوردستان.
لە راگەیەندراوێکدا، کە سکرتارییەتی گشتی کۆمکاری عەرەبی بڵاویکردەوە، هاتووە: “ئەو کۆمەڵەیە پشتگیری لە هەوڵەکانی عێراق دەکات بۆ چارەسەرکردن و رێگریکردن لەو کارە تاوانکاریانە، لە پێناو سەقامگیری و ئاسایشی عێراق”.
ئەوەش هاتووە، کە داوای ئاشکراکردنی خێرای ڕاستییەکان دەکات، دەربارەی ئەوانەی لە پشت ئەو کردەوە تیرۆریستییە بەدڕەوشتییانەن، کە ئامانجیان ناسەقامگیرکردنی ئاشتی مەدەنییە، لەکاتێکدا کە عێراق بەدوای پێکهێنانی حکوومەتی نوێدایە”.