ڕوسیا لەسەر دانوستانەکان متمانەی بە ئۆکرانیا نەماوە

ئەمڕۆ چوار شەممە، ڕوسیا رایگەیاند، چیتر متمانە بە دانوستانکارانی ئۆکرانی ناکەن، ئەوەش لە دوای چەندجارێ هەردوو وڵات کۆبوونەتەوە گفتوگۆیان بۆ راگرتنی شەڕ کردووە.

ماریا زاخارۆڤا وتەبێژی وەزارەتی دەرەوەی روسیا، رایگەیاند، کە مۆسکۆ متمانەی بە بەرپرسانی ئۆکرانی نەماوە، چونکە ڤۆلۆدیمێر زیلینسکی سەرۆکی ئۆکرانیا شوێنکەوتەی و فەرمانەکانی ئەمەریکا و ناتۆیە و سەبەخۆ نییە، واشنتۆن و ناتۆ لە ئۆکرانیا کار دەکەن، نەک زیلینسکی.

ئەو هەروەها ڕوونیکردەوە، کە وڵاتەکەی ڕازی بووە دانوستانەکان دەستپێبکاتەوە بۆ چارەسەرێک، ئەمەش دوای داوایەکی کیێڤ، بەڵام دواتر ئۆکرانیا دەستیان بە خۆلادان لە دانوستان کرد، وتیشی: “ڕژێم لە کیێڤ سەربەخۆ نییە، سانسۆڕ دەکرێت”.