شوێنی پاشماوەی چەکدارانی داعش دیاری دەکرێت

ناوچەیەكی سێ گوشەی نێوان كەركوك لە باكوور، بێجی لە ڕۆژئاوا و سامەرا لە باشوور بە گرنگترین ناوچەی چەكدارانی داعش ددەنرێت كە وەكو شوێنێك بۆ خۆحەشاردان و ئامادەكاریی بۆ ئۆپەراسیۆنەكانی بەكاریدەهێنن.
بەرپرسێكی باڵای ئەمنیی عێراق بە ڕۆژنامەی گاردیانی بەریتانی ڕاگەیاند، داعش خەریكی خۆڕێكخستنەوەیە لەناو دڵی عێراقدا.
وتیشی”چەكدارانی داعش لە ناوچەیەكی سێ گوشەی نێوان كەركوك لە باكور، بێجی لە ڕۆژئاوا و سامرا لە باشوور-دان، ئەم ناوچەیە بەڕای داعش بۆ ئەنجامدانی چالاكییەكانیان زۆر گرنگە”.

ئاشكراشیكرد، ئەم ناوچەیە كە لە ناوەندی عێراقدایە چیا و كێوەكان بە ڕۆژهەڵاتەوە دەبەستێتەوە و باشترین شوێنە بۆ خۆحەشاردان و هاوسنووریشە بە بیابانەكانی ڕۆژئاوا و لەوێوە دەگاتە سوریا.