بۆ بنەماڵەی بەڕێزی خوالێخۆشبوو دکتۆر سامیە شاکر
بەناوی کۆنفیدراسیۆنی ڕەوەندی کوردستانییەوە، بە خەم و پەژارەوە هەواڵی کۆچی دوایی نووسەر و ژنە شاعیر و تێکۆشەر، دکتۆر سامیە شاکر ناسراو بە سامیە مەشخەڵمان پێ گەیشت.
بەم بۆنە خەمناکەوە، لە ناخی دڵمانەوە پرسە و سەرەخۆشیی خۆمان ئاراستەی بنەماڵە بەڕێزەکەتان و سەرجەم خزم و کەسوکار و دۆستانتان کدەکەین و خۆمان بە هاوبەشی خەمتان دەزانین، لەدەستدانی قەڵەمێکی دیار و ژنە تێکۆشەرێکی وەک دکتۆر سامیە جێگەی داخە بۆ هەموومان و کەلێنێکی دیار لە کاروانی ئەدەب و تێکۆشانی خزمەتکردندا جێدەهێڵێت.
لە یەزدانی مەزن و میهرەبان دەپاڕێینەوە ڕۆحی خوالێخۆشبوو بە بەهەشتی بەرین شاد بکات و ئارامی و سەبووری بە دڵی هەموو لایەک ببەخشێت، ئومێدەوارین ئەمە دوا خەم و ناخۆشیی کەسوکار و بنەماڵە بەڕێزەکەتان بێت.
لەگەڵ ڕێز و هاوخەمیی قووڵماندا..
کۆنفیدراسیۆنی ڕەوەندی کوردستانی
7ـی ئایاری 2026