مێرمنداڵێکی خەڵکی سەردەشت، بە تۆمەتی لایەنگری حیزبێکی کوردستانی، ناوەندە ئەمنییەکانی کۆماری ئیسلامیی ئێران دەستگیری دەکەن.
بە گوێرەی هەواڵێکی رێکخراوی مافی مرۆڤی هەنگاو، دوێنێ سێشەممە 7ی مانگ، هێزە ئەمنییەکانی شاری سەردەشت، مێرمنداڵێکی 15 ساڵەیان بە ناوی محەمەد فەردانی، خەڵکی میراوای ئەو شارەیان دەستگیرکردووە.
بە گوتەی سەرچاوەیەکی ئاگادار، هێزە ئەمنییەکان بە بێ پیشاندانی هیچ جۆرە بەڵگەیەکی یاسایی، ئەو مێرمنداڵەیان دەستگیرکردووە.
تا ئێستا، هیچ زانییارییەک لە سەر چارەنووس و شوێنی راگیرانی ئەو مێرمنداڵە نییە.