شەرێکی بەکۆمەڵ لە دەرەوەی مۆڵێکی شاری ئۆربرۆی سوید روویدا لە ئەنجامدا، بەلایەنی کەمەوە سێ کەس بە چەقۆ بریندارکراون.
کاتژمێر نۆی پێش نیوەڕۆی ئەمڕۆ شەڕ لە نێوان دوو کەس دەستی پێکردووە و وەک پۆلیس رایگەیاندووە، دواتر شەڕەکە گەورەبووە و بووەتە شەڕی بە کۆمەڵ و سێ کەس بە چەقۆ بریندارکراون و برینەکانیان قورس نییە.
پۆلیس چوونە شوێنی ڕووداوەکە و کەسێکیان دەستگیرکردووە، کە گومانی تێوەگلانی لە شەڕەکە هەیە، هاوکات لارش هێدلن، گوتەبێژی پۆلیس گوتی: “ئێمە کۆنتڕۆڵی دۆخەکە دەکەین و لە ئێستادا گوێ لە ژمارەیەک کەس دەگرین”.
شایانی باسە، سوید بەم دواییانە ژمارەیەک شەڕ و پێکدادانی بەکۆمەڵی بەخۆیەوە بینی، کە بە هۆیەوە خەڵک بریندار بوون.