ڕەشەبا بە کۆڵێ زریانی شارەوە
پەڕەکانی یادگاری
وەك کۆلارە بە ئاسمانا دەبرد
دەزوی دڵیش
لە دڕکو داڵی گۆیژە ئاڵابوو
ئەو ڕۆژانەش
داوی دڵم لەدەست بەربو
دەرگای چەپەری کڵۆم دڕاوی
شکان و کەوتنە سەرپشت
هەرچی هەبو پێچایەوە
لە ئاسمانا
دەستیان لە ملی یەک کرد
ئێستاش
نە پەیژەی ئومێدێک ماوە
پیاسەرکەوم بۆ ئاسمان
نە باڵێکیش
هاوتای گەیشتنەوە بێ پێیان
هەرچی
سیمای لاوێتیشە. بزر بووە
بێ مروەتانە
لە نێو تەمی ڕۆژگارا
وردو خاشم دەکا
لە دواجاریش دەمپروێنێ
ڕۆمانێك
بە نێو(ئاردی دەم با)
لە ڕۆحما بەرهەم دێنێ
۲٥/٥/۲٠۱۸
پەری