چەکدارانی رێکخراوی تیرۆریتستی داعش هێرشیان کردە سەر باکووری بەغدای پایتەختی عێراق.
بەپێی هەواڵی میدیا عێراقییەکان، بەرەبەیانی ئەمڕۆ شەممە 19-6-2021، چەکدارانی داعش هێرشیان کردووەتە سەر ناوچەی شێخ ئیبراهیم لە شارۆچکەی تارمییە لە باکووری بەغدا.
چەکدارەکانی داعش لە ناوچەی شێخ ئیبراهیم چوونەتە سەر ماڵی هاووڵاتییەک و برینداریان کردووە.
میدیا عێراقییەکان ئاماژە بەوە دەکەن، کە دوای ئەوەی چەکدارانی حەشدی عەشایری (میلیشیا سوننەکانی حەشدی شەعبی) رووبەڕوویان بوونەتەوە، چەکدارەکانی داعش بە ناچاری هەڵاتوون.
