نادر دۆغاتی
بهەلکەفتنا ( 11 ) مین سالڤەگەرا تال و دڵ تەزین یا جینۆسایدا ئێزدیان، ئەم سەرێ رێزو نەوازش دادەنێن بۆ تەڤایا جانگۆری و پاکرەوان و دایک و خۆشکێن مە یێن گرتی د دەستێ تیرۆرستێن داعشدا، و وان کریارێن هۆڤانە یێن ئەنجامداین ل سێی تەباخێ 2014 دە ب دەستێ تێرۆرستێن داعش ئەم رسوا و شەرمەزاردکەین، هەلبەت رۆژەک رەش بۆ نە ب تنێ بۆ جڤاکا ئێزدی بەلکۆ بۆ هەمۆ مرۆڤاتیێ و جیهانێ ل چەرخێ بیست ویەکێدا.
مخابن پشتی (11) سالان هێشتە جینۆساید بەردەوامە، چارەنڤیسێ هەزارەها خەلکێ مە د دەستێ هۆڤێن تێرۆرستێن داعشدا نەدیارە، ملەتەک دبن چادر و خیڤەتاندا ب گەرما هاڤینێ و جەمەدا زڤستانێ ژیاناخو دەرباس دکە.
ژ بۆ ئارامکرنا ڕەوشا شنگالێ، خەلکێ شنگالێ ڤەگەرێت سەر جیە و وارێن خوە، ئەمناهی و ئاڤەدانی بەرقرار بێت، شنگالی خۆ بخۆ سەروەریا خوە بکەن، دڤێت ڕێکەفتنا د ناڤبەرا حەکومەتا عراقا فەدەرال و حەکومەتا هەرێما کوردستانێ ب ئامەدبونا نونەرێ (UN) بێت جێبەجێکرن.
ژ بۆ جێنۆسایدا ئێزدیان ل سەرانسەری جیهانێ دانپێدانا فەرمی پێ بێتە دان، دڤێت دەولەتا عراقێ یا فەدەرال ببیتە ئەندام د (دادگەها نێڤ دەولەتیدا ل لاهای)، لێ مخابن تا نها بەرلەمان و حەکومەتا عراقێ دانپێدان ب جێنۆسایدا ئێزدیان نەدایە، ژ بلی کو زێدەتر ژ (20) حەکومەت و بەرلەمانێن جیهانێ دانپێدایە وەک جینۆساید.
مخابن، جڤاکا مە یا ئێزدی بەر ب ئاقارەک نەدیارڤە دچێت، پرت و بەلاڤ بویە ژ هەمو ئالیان ڤە، دڤێت ئەم ل کولتور و چاند و زمانێ خو یێ کوردی یێ شێرین ببین خودان، ل وەلاتێ خوە کوردستانێ ببین خودان، پیلان و دافکێن دوژمنان ب هەرفینین، دورکرنا شنگالێ ژ کوردستانێ ب هەر ئەگەرک هەبیت فرمان و جینۆسایدا هەرە مەزن لسەر ئێزدیان.
ب ڤێ هەلکەفتا دڵ تەزین ئەم وەک کۆنفەدەراسیۆنا ڕەڤەندا کوردستانی ڕێزگرتن ژ بۆ قوربانێن جینۆسایدا ئێزدیان ڤێ بیرئانینا تال ب نیشاندانا وێنەیێن قوربانیا و داگیرساندنا فندک ومومان دناڤ ڤان سەنتەرێن باژارێن دیاسپۆرایێدا ب بیر تینین.
برلین، برۆکسل، ئەمستردام، ناشفێل، ئۆسلۆ، تەڤلیس، ڤیەنا، ستۆکهۆلم، ستاڤراپۆل، بیشکەک، ئەلماتا، زیوریخ، هلسینگبۆرک، مۆنتوبان، کاسل، برێمن، ڤۆلفسبۆرگ، دوسلدۆرف، مۆنستەر.
هەزار سلاڤ ل گیانێ پاکێ قوربانیێن جینۆسایدا ئێزدیان و تەڤایا قوربانیێن کوردستانێ بن.
مرن و سەرشۆری بۆ هۆڤێن سەردەم تێرۆرستێن داعش.
ئەلمانیا 2ی تەباخێ 2025