واشنتن: ناوەندی ڕەوەندی کوردستانی ڕێپێوانێکیان دژ بە ئێران بەڕێوەبرد

ڕۆژی یەکشەممە، 2ی تشرینی یەکەمی 2022، ناوەندی ڕەوەندی کوردستانی لە ویلایەتی واشنتۆنی ئەمەریکا، خۆپیشاندانێکی ناڕەزاییان دژی ڕژێمی ئێران ئەنجامدا و، تێیدا دڕندەیی حکومەتی ئەو وڵاتە کە دژی خوشک و براکانمان لە ڕۆژھەڵات ئەنجامی دەدەن خرانەڕوو.

لەو خۆپیشاندانەدا، بەشێک لە ڕەوەندی کوردستانی بەشداریان لەو ناڕەزایەتیەدا کرد و، کە چەند خانمێک و کەسایەتی و چالاکوانیان تێدابوو، کە بۆگەیاندنی پەیامی ناڕەزایی بە ڕای گشتی ئەو وڵاتە، لە دڕندەیی ڕژێمی ئێران کە بەرامبەر “ژینا ئەمینی” و چەندان ئافرەتی دیکەی کورد کراون.

جێی باسە، وێڕای ناڕەزایەتی و پیشاندانی دڕندایەتی کۆماری ئیسلامی ئێران، بەرامبەر “ژینا”، هاوکات دوایین دەستدرێژییەکانی ئێرانیش بۆ سەر هەرێمی کوردستان و، شەھیدکردنی هاوڵاتیانی بێتاوان ئیدانە کران.