قوتابخانەی کوردی لە لوکسمبۆرگ، ساڵی خوێندنی ئەمساڵی کردەوە، کە تێیدا ٢٦ قوتابی کورد لە قوتابخانەکە دەخوێنن و لە دوو پۆل پێکدێن و تەمەنیان لە ٥ تا ١٣ ساڵانە.
ئەمڕۆ شەممە رێکەوتی ٢٦ی٩ی٢٠٢٦، قوتابخانەی کوردی لە لوکسمبۆرگ، ساڵی خوێندنی ٢٠٢٦–٢٠٢٧ی دەست پێ کرد و منداڵانی کورد بۆ ساڵێکی نوێی فێربوون و پەرەپێدانی زمانی کوردی بەشدارییان کرد.
بەڕێوەبەرانی قوتابخانەکە جەختیان لەوە کردۆتەوە، کە فێرکردنی زمانی دایک بۆ منداڵانی کورد و ناساندنیان بە کەلتوور و ناسنامەی خۆیان، ئەرک و بەرپرسیارێتییەکی هاوبەشە لەنێوان ئەوان و دایک و باوکانیان لە پاراستن و گواستنەوەی زمان و کەلتووری کوردی بۆ منداڵەکانیان، ئەوەش ئەرکێکی نەوەتەوەیی گرنگە.
لە هەمان کاتدا، بەڕێوەبەرانی قوتابخانەکە، پیرۆزباییان لە قوتابییە بەڕێزەکان و هەموو دایک و باوکەکان کرد و هیوای ئەوەیان خواست، کە ساڵی خوێندنی نوێ پڕ بێت لە فێر بوون، سەرکەوتن و خۆشی و زمانی کوردیی هەمیشە لە دڵ و ژیانی منداڵاندا زیندوو بمێنێتەوە.
قوتابخانەکە هەروەها جەختی لەوە کردەوە، کە بە هاوکاریی دایک و باوک و مامۆستایان، منداڵان زمانی شیرینی کوردیی فێر دەبن و ناسنامە و کەلتووری خۆیان دەپارێزن.