'/%3E%3Cuse%20href='%23a'%20transform='rotate(240%20450%20300)'/%3E%3C/svg%3E){kind=small}
'/%3E%3C/svg%3E){kind=small}
پەرلەمانی ئەڵمانیا کار بۆئەوە دەکات ،کۆمەڵکوژی ئێزیدیەکان بەتاوانی جینۆساید بناسێت
بەڕێوەبەری ئۆفیسی کاروباری ئێزدییەکانی ئەڵمانیا کۆهدار قایدی ڕایگەیاند، کە پەرلەمانی ئەڵمانیا کاردەکات بۆ ئەوەی کۆمەڵکوژیی ئێزدییەکان بە جینۆساید بناسێت
قایدی بەرێوەبەری ڕێکخراوی ناوبراو بە ڕووداوی ڕاگەیاند :ئەو پڕۆژە یاسایەی خستۆتە بەردەم لیژنەی پەرلەمانی ئەڵمانیا و ئاماژە بەوە دەکات ،لەگەڵ پێنج سەرۆک فراکسیۆنی گفتگۆی کردووە و پارتە گەورەکانی ئەڵمانیا لە پەرلەمان بە فەرمی پشتگیری ئەو پڕۆژەیەیان کردووە کە بڕیارە لە مانگی داهاتوودا لەپەرلەمانی ئەڵمانیا گفتگۆی لە بارەوە بکرێت
وتیشی: “دوو پارت سەرەکی ئەڵمانیا پارت سەوز و پارتی یەکێتی دیمۆکرات مەسیحەکان پشتگیری پێشنیارەکە دەکەن ،کە بڕیارە جارێکی تر سەرکردەکانی ئەو حزبانە کۆببنەوە پێشنیارەکانیان بۆ پەرلەمان پێشکەش بکەن ، کە دواتر پەسەندکردنی پرۆژە یاساکە پشت بە دەنگی ئەو ئەندام پەرلەمانانە دەبەستێت ، بڕیارە مانگی ئاداری داهاتوو بۆ دەنگدان لەسەر پرۆژە یاساکە کۆببنەوە
جێی ئاماژەیە لە تەمووزی 2021دا، پەرلەمانی بەلجیکا و هۆڵەندا جینۆسایدی ئێزدییەکانیان بە پاکتاوی نەژادی(جینۆساید) ناساند.