سەرۆکوەزیرانى عێراق لەسەر ناردنى 200 ملیار دینارەکە بۆ هەرێمى کوردستان دڵنیایى دەدا.
مستەفا کازمى، سەرۆکوەزیرانى عێراق لەمیانەى دیدارێکیدا لەگەڵ ژمارەیەک میدیاکارى عێراقى، رایگەیاند، ناردنى 200 ملیار دینارەکە بۆ هەرێمى کوردستان بەردەوام دەبێت، هاوکات لە بەشێکى دیکەى قسەکانیدا ئاماژەی بە قەبارەى دراوى یەدەکى عێراق کردووە، کە لە 51 ملیار دۆلارەوە بۆ 61 ملیار دۆلار زیادی کردووە.
سەبارەت بە هەڵبژاردنى پێشوەختەى ئەنجوومەنى نوێنەرانی عێراق، جەختى لەوەکردووەتەوە، کە هەڵبژاردن لە وادەى خۆیدا و بە پاک وبێگەردى بەڕێوەدەچێت