لە کوێستانەکانی شاری سەردەشت بە تەقەی ڕاستەوخۆی هێزە چەکدارەکانی ئێران کۆڵبەرێک بە سەختی بریندار بووە و کۆڵبەرێکی دیکەش لە کاتی هەڵهاتنیدا، بە هۆی کەوتنەخوارەوە لە چیا، بریندار بووە.
بەپێی هەواڵی ناوندی مافی مرۆڤ بۆ ڕۆژهەڵاتی کوردستان، دوێنێ هەینی، هێزە چەکدارەکانی رژێمی ئێران، لە سنووری بێتووشی سەردەشت، تەقەیان لە ژمارەیەک کۆڵبەر کردووە و کۆڵبەرێکیان بە ناوی سۆران ڕەسووڵی خەڵکی گوندی کانی ڕەش، بە قورسی بریندار کردووە و بۆ چارەسەری پزیشکی گوازراوەتەوە بۆ بنکەیەکی تەندرووستی قەڵادزێی هەرێمی کوردستان.
هەروەها کۆڵبەریکی دیکە بە ناوی جەلیل زەینی، لە کاتی هەڵاتندا، بە هۆی کەوتنەخوارەوەی لە چیاکە، بە سەختی برینداربووە و بە مەبەستی چارەسەری، گوازراوەتەوە شاری سەردەشت